Arqalyq qalasynyń Dachnyı yqsham aýdany tirshilik nárin erkin tutynýǵa múmkindik aldy. Bul – osy ýaqytqa deıin kóshedegi birdi-ekili kolonkalardan tasymaldap kelgen aýyl turǵyndary úshin kópten kútken zor qýanysh.

Sý qubyry qurylysynyń jumystaryna tapsyrys berýshi – Arqalyq qalasy ákimdiginiń qurylys, sáýlet jáne qala qurylysy. Atqarýshy merdigeri – «AstanaKomInjStroı» JSHS. Eki jaqty kelisimniń nátıjesinde qolǵa alynyp jatqan jumystardyń barysymen qala ákimi Eldar Kúzenbaev arnaıy baryp tanysty.

Atalmysh yqsham aýdanda 200-den astam turǵyn úı bar. Merdiger sý qubyryn ár úıdiń sharbaǵyna deıin jetkizip beredi. Odan ári kirgizip alý – menshik ıesiniń óz quzyrynda.

«Sý qubyry tartylǵanda úılerdiń sý jelisine qosylýy asa mańyzdy. Olaı bolmaǵan jaǵdaıda istiń esh mánisi joq»,- dedi Eldar Qonysbaıuly.

Реклама