Elbasy Nursultan Nazarbaevtyń «Nur Otan» partıasynyń XVIII sezinde bergen tapsyrmalaryna sáıkes, ónimdi jumyspen qamtýdyń jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasyna ózgerister men tolyqtyrýlar engizildi. Bul jóninde eńbek jáne halyqty áleýmettik qorǵaý mınıstrliginiń baspasóz qyzmetine silteme jasap QazAqparat habarlaıdy.

Az qamtylǵan kópbalaly otbasylardy, az qamtylǵan eńbekke qabiletti múgedektigi bar azamattar men jastardy jumysqa ornalastyrý, oqytý sapasyn arttyrý jáne kásipkerlikti damytý maqsatynda memlekettik qoldaýdyń birqatar jańa sharalary kózdelip otyr.

«Osylaısha, Jastar jyly aıasynda memlekettik baǵdarlama «Jastar — el tiregi» ulttyq jobasynyń keshendi is-sharalaryn iske asyrý» atty jańa baǵytpen tolyqtyryldy. Atalǵan Ulttyq joba «Jas maman» jáne «Jas kásipker» degen eki baǵyt boıynsha júzege asyrylatyn bolady. Atap aıtqanda, jańǵyrtylǵan 200 oqý ornynyń bazasynda ındýstrıalyq jáne servıstik 100 mamandyq boıynsha asa suranysqa ıe mamandar daıarlanatyn bolady. Úsh jyl ishinde 200 myńnan astam jasty oqytyp shyǵarý josparlanýda», — delingen habarlamada.

Реклама