Búgin óńirlik komýnıkasıalar qyzmetinde ótken brıfıńte Eńbek, áleýmettik qorǵaý jáne kóshi-qon komıtetiniń Qostanaı oblysy boıynsha departamentiniń basshysy Murat Muratbekov memleket basshysynyń tapsyrmasyn iske asyrý sheńberinde múmkindigi shekteýli jandar úshin qoljetimdi kedergisiz orta qurý jónindegi sharalar týraly aıtyp berdi.

Vedomstvo basshysynyń aıtýynsha, qazirgi ýaqytta elimizde 680 myńnan astam múmkindigi shekteýli adam turyp jatyr, onyń 61%-y – eńbekke qabiletti jasta, 26%-y – zeınet jasynda, 13%-y – 18 jasqa deıingi balalar. Al, Qostanaı oblysynda 28 myń múgedek turady, onyń 10 paıyzy – balalar men jasóspirimder.

«Buǵan deıin Úkimet múgedekterdiń ómir súrý sapasyn jaqsartý jáne olardyń quqyqtaryn qamtamasyz etý maqsatynda 2012-2018 jyldarǵa arnalǵan is-sharalar josparyn ázirlegen bolatyn. Osy jospardy iske asyrýdyń nátıjesinde, ıaǵnı múmkindigi shekteýli jandar úshin kedergisiz orta qurý maqsatynda oblys boıynsha myńnan astam áleýmettik jáne ınfraqurylym nysandary pasporttaldy. Sonymen qatar, osy jumystar sheńberinde bizdiń departament turaqty túrde monıtorıń júrgizip otyrady», — deıdi M.Muratbekov.